ഒരുപക്ഷെ സോഷ്യല്‍ നെറ്റ് വര്‍ക്കിങ്ങ് ലോകത്ത് ഫേസ്ബുക്കിന്‍റെ മുന്നേറ്റത്തിനു തന്നെ വഴി തെളിയിച്ച ”ലൈക്ക്” ബട്ടന്‍ ഒരു കോപ്പി അടി ആണെന്ന വാദവുമായി Rembrandt Social Media എന്ന കമ്പനി ആണ് ഫെസ്ബുക്കിനെ കോടതി കയറ്റാന്‍ ഒരുങ്ങുന്നത്.മരിച്ചു പോയ ജോസഫ് ഏവറാര്‍ഡാസ് വാന്‍ ദേര്‍ മീര്‍ എന്നാ ഡച്ച് പ്രോഗ്രാമ്മറെ പ്രതിനിധീകരിച്ചാണ് Rembrandt Social Media കേസ് ഫയല്‍ ചെയ്തിരിക്കുന്നത്.

ഇവരുടെ വാദം അനുസരിച്ച് ജോസെഫ് 1998-ല്‍ തന്നെ ലൈക്ക് ബട്ടന്‍ ഉള്‍പ്പടെ രണ്ടു പേറ്റെന്‍റ്റ്സ് നേടിയിരുന്നു.(ഫേസ്ബുക്ക് സ്ഥാപിതം ആയത് 2004-ല്‍ ആണെന്ന് ഓര്‍ക്കുക!).ഈ പേറ്റെന്‍റ്റ് ഇപ്പോള്‍ Rembrandt-ന്‍റെ കൈവശം ആണ്.ഇത് ലംഘിച്ചാണ് ഫേസ്ബുക്ക് തങ്ങളുടെ സൈറ്റില്‍ ലൈക്ക് ബട്ടന്‍ ഉപയോഗിച്ചിരിക്കുന്നതെന്നാണ് ഇവരുടെ ആരോപണം.

ഫെസ്ബുക്കിനെ കൂടാതെ ‘ആഡ് ദിസ്‌’ എന്ന സൈറ്റിനെതിരേയും ഇവര്‍ കേസ് ഫയല്‍ ചെയ്തിട്ടുണ്ട്.അര്‍ഹതപ്പെട്ടവര്‍ക്ക് തക്കതായ നഷ്ടപരിഹാരം വാങ്ങിക്കൊടുക്കല്‍ ആണ് തങ്ങളുടെ ലക്‌ഷ്യം എന്ന് Rembrandt Social Media-യുടെ ചെയര്‍മാന്‍ Dr. Paul Schneck വ്യക്തമാക്കി.ഏതായാലും ഫേസ്ബുക്ക് അധികൃതര്‍ ഇതിനെ പറ്റി പ്രതികരിക്കാന്‍ ഇതു വരെ പ്രതികരിക്കാന്‍ തയ്യാര്‍ ആയിട്ടില്ല.